Eusko Jaurlaritzak kultur sektoreko publikoak garatzeko diru laguntzen deialdia kaleratu du. Bertan parte hartzeko proposamenak aurkezteko epea martxoaren 28a artekoa izango da.
Aurrekontua 200.000 €-koa da; horietatik 100.000 €2022ko ekitaldirako izango dira, eta gainerakoak 2023rako konpromiso-kreditu gisa eskainiko dira.
Diru-laguntza jasotzeko, baldintza hauek bete behar dira:
- Proiektu eta jarduera bereziak eta espezifikoak dira, eta helburu dute kulturarako sarbidea eragozten edo mugatzen duten oztopoak ezabatzea, kultura-publikoekiko harreman-modu berriak planteatzea, sorkuntzaren eta kultura-publikoen arteko elkarrekintzaren garrantzia nabarmentzea eta/edo kultura-publikoen jardun aktiboa bultzatzea.
- Diruz lagun daitezkeen proiektu eta jardueren tipologia:
- Publikoak dibertsifikatzea: interesik gabeko publikoentzako, publikoak ez direnentzako eta hezkuntza-, psikologia- eta/edo gizarte-inguruneko oztopoak gainditzeko esku-hartzeak behar dituztenentzako proiektuak eta/edo jarduerak.
- Publikoak zabaltzea: kulturan interesa duten baina kultura-jardueretan parte hartzen ez duten eta kultura-jarduerak erakartzeko eta haietarako sarbidea errazteko esku-hartzeak behar dituzten publikoentzako proiektuak eta/edo jarduerak.
- Parte-hartzean sakontzea: lehendik dauden kultura-publikoak leialtzeko proiektuak, haien partaidetza-maila eta inplikazio-maila handitzeko.
- Proiektuak edo jarduerak Euskal Autonomia Erkidegoan egingo dira, 2022ko urtarrilaren 1etik 2023ko azaroaren 30era bitartean. Proiektuak 2022an hasi beharko dira.
- Diruz lagundu daitezkeen proiektuak eta jarduerak herritarrei ireki beharko zaizkie.
- Autofinantzaketaren gutxieneko ehunekoa onartutako aurrekontu osoaren % 20 izatea. Deialdi honen ondorioetarako, autofinantzaketatzat hartuko da iturri publikoetatik ez datozen diru-sarreren zatia, eta, hala badagokio, 10. artikuluaren arabera araztutako aurrekontua onartutako guztizko aurrekontutzat.
- Euskara jardueren komunikazio-hizkuntza gisa erabiltzea, gutxienez % 50ean.
Diru laguntzaren inguruko informazio gehiago izateko, esteka honetan klikatu.